මොනවා . . . ? ඉර හැරෙන්නත් ළං වෙලා වගෙයි! දන්නෙම නැතිව හෝරා දෙක තුනක් විතර ඇවිත් තියෙනවා. හැබෑටම දැන් නම් බත් බුසලක් කන්න බඩගිනියි. හොඳ හෝටලේකට ගිහින් පානුයි පරිප්පුයි ටිකක් කාලා සප්පායම් වෙන්න ඕන . . .!
ආ! මේ තියෙන්නේ පංකාදු තේ කඩයක්. ඒත් ලිසියගෙ කෝපි කඩේට යටයි මේ මුළු කඩ ඔක්කොම. . .!
"ආ! වාඩි වෙන්න සිය. මොනවද බොන්න ගේන්නෙ ඔරෙන්ජ්, ක්රීම් සරුවත් . . . හෝර්ලික්ස් . . .?"
"මට හුඟක් බඩගිනියි පුතා. . . !"
"ආ එහෙනම් බුරියානි, සැම්පොරයිස් කුකුල් මස් එක්ක දුන්තෙල් බත්. . . ? කියන්න සීය, ඉක්මන් කරන්න."
"අප්පා හරියට දාඩිය දානවා නෙවැ, මොකද පුතා මේ හැටි ගිරීස්මෙ?"
"ආ ඉන්න සීය මං පෑන් එක දාන්නම්. . .! හරිනෙ!"
ක්රීං ක්රීං . . .!
"ෂා! පංකාදු තැන! නිකං හිටියත් බඩගිනි දැනෙන්නෙ නැහැ . . . ෂා මට ගෙනෙං පුතා පරිප්පුයි පානුයි, ! තේ වතුර කෝප්පෙකුයි. . . මේ. . . මේ කහට ටිකක් අඩුවෙන් හොඳ ද?"
"ආ සිංගල් පාන්. . .! ලයිට් ප්ලේන් ටී. . . ! එකයි. . . !"
මේ යෝදයකට පිස්සු ද මංද, සිංගල් පාන් මොකට ද මට? පරළු පාන් තියනව නං ඒකත් එකක්. ලයිට් පෙලෙන් ටී. . . ? ඒ මොනව ද? මං ඉල්ලුවෙ තේ වතුර කෝප්පයක් නොවැ. මේකා හදන්නෙ වෙනිං මොනවා දෝ රට කෑම ජාති මට දීල හුඟක් සල්ලිය බාගය කඩා ගන්නයි! අඩමානයක් නැහැ ඒකම තමයි කොරන්න හදන්නෙ. . . ?
"ඒයි ළමයා. . ., මෙහෙ වරෙං පොඩ්ඩක්?"
"ෂා හරි සීයා, මොනව ද ඇක්ස්රා මුකුත් ගේන්න ද? එග්ස් . . කාරිය?"
"ඇක්ස් රා? . . . ? ඇක්ස් රා නෙවෙයි පොල් රා තියනව නං අපූරුයි මේ වෙලාවට. ඊටත් හොඳයි කිතුල් රා තියෙනව නමි. . . ?"
"නෑ සීයෙ. . ., ඒව නැහෑ ඇස්සරා කියන්නෙ අමතර ගන්න ඒවට. . ."
"අමතරව එයින් ටිකක් ගත්තට වරදක් නැහැ. මං ගමේදි නම් ගහෙන් බාපු හැටියෙ රා තමයි පාවිච්චිය . . .?"
"සීය මේ මොනව ද කියන්නෙ. . . මේ සිංගල් පාන් එකයි ලයිට් ප්ලේන් ටී එකයි ඉක්මන් කරන්න."
"මොන සිංගල් පාං ද බන් මට? මට ඔය තිරිඟු පිටි පාං හොඳයි. ඒව තමයි කවදත් පුරුදු කෑම. ලයිට් ප්ලේන්ටිත් එපා. නිකං කහට අඩුවෙන් තේ වතුර කෝප්පයක් ගෙනාවාම ඇති. . .!"
"අයියෝ හරි හොල්මනක් නොවැ මේ . . . ! ආ ආ කනව පාං පරිප්පු. . . ප්ලේන් ටී. මේත් ඇක්ස් රා!"
"ඔය මොනව ද ඕවට ද ඇක්ස් රා කියන්නෙ. ඕවට අපේ පලාතෙ කියන්නෙ පොකිරිස්සෝ. . . ! අනිච්චේ දුක්ඛේ!" මී මුත්තා
1966 ජූනි 26 දින පළ වූ නවයුගය සඟරාවෙන් උපුටා ගන්නා ලදී.
No comments:
Post a Comment