මේ සියල්ල ඇරඹුන හැටි මෙතැනින් බලන්න.
පරිච්ඡේදය 16
පළමු කොටස
මැක්ග්‍රාත් සිරගෙදරින් ඉවතට රැගෙන යාම සඳහා තවමත් වේලාසන වැඩිය. හන්ටර් විනිශ්චයකාරයා මැක්ග්‍රාත් කැනන් සිටි වෙත මාරු කර එහිදී මරණීය දණ්ඩනය පැමිණවීම සඳහා වන නියෝගය රැගෙන එන බව කියා තිබුන ද ඒ සඳහා තව ටික වේලාවක් ගතවෙනු ඇත. දැන් බක්ට අගුලු දැමිය හැකි දොරක් ලැබී තිබෙන බැවින් මද වේලාවක් සිරගෙයින් බැහැර යාමට ඔහු තීරණය කළේය. ඇවිදීම වේදනා ගෙනදෙන කාර්යයක් වුවත් එසේ නොකළහොත් පාදය දරදඬු වී කෙසේවත් ඇවිදීමට නොහැකි වෙතැයි ඔහුට බිය සිතිණ.
මේ දක්වා:
පරිච්ඡේදය 15
ස්මිත්ගේ හැසිරීමෙහි දක්නට ලැබුන සියුම් වෙනස්කම බක්ට තේරුම්ගත නොහැකි කරුණක් විය. ස්මිත් තවදුරටත් කතාකරනු ඇතැයි බක් බලාපොරොත්තු වුවද ඔහු නිහඬවම සිටියේය. අවසානයේ බක් කතාකළේය. "හරි, ඔබේ හිතේ මොකක් හරි කරදරයක් තියනවනේ. මොකක්ද ඒක?"
.jpeg)
මේ දක්වා:
මේ දක්වා:
ඕවන් බක් අපාචේ ජන්ක්ෂන් ප්‍රදේශයේ ෂෙරීෆ්වරයාය. මිනීමැරුමකට වරදකරු වූ මැක්ග්‍රාත්ට මරණීය දණ්ඩනය පැමිණවීම ඔහුට පැවරී ඇත. එහෙත් මැක්ග්‍රාත්ට සාධාරණ නඩු තීන්දුවක් නොලැබුන බව විශ්වාස කරන ෂෙරිෆ් ඔහුට සාධාරණ නඩු තීන්දුවක් ලබාදීමට වෙහෙසෙයි. ඒ නඩුකාරයාගේ බිරිඳ හා මැක්ග්‍රාත් අතර අනියම් සබඳතාවක් තිබීමත් නඩුකාරයා ඒ ගැන දැන සිටීමත් නිසා ය. ඒ අතර මැක්ග්‍රාත්ට පක්ෂ හා විපක්ෂ දෙපසින්ම එන තර්ජනවලට මුහුණ දෙන්නට ද ඔහුට සිදුවෙයි. ඒ මැක්ග්‍රාත්ගේ හිතවතුන්ට ඔහු මරණීය දණ්ඩනයෙන් ගලවාගැනීමටත් මරණයට පත්වූ අයගේ හිතවතුන්ට මැක්ග්‍රාත් එල්ලා මරණවා දකින්නටත් අවශ්‍ය නිසා ය. මැක්ග්‍රාත්ගේ සිරකුටිය පරීක්ෂා කිරීමට යන ෂෙරිෆ්ට සිරගෙදරින් පළායාමට තැත් දරන මැක්ග්‍රාත්ගේ ප්‍රහාරයකට ලක්වී තුවාල ලබයි. ඒ අතර ෂෙරිෆ් තනතුර බලෙන් අත්කර ගැනීමට උත්සාහ කළ තම සහය නිලධාරියා ඉවත් කරන බක් අළුතින් සහායකයින් දෙදෙනෙකු පත්කර ගනී.